قصيدة صح النوم

تراها الصـــــورة اللـــــي جا عليهـــا بالوداع علوم
فديتك ما ســـــواهــــا حــــرّك الخــفّـــاق و أوجاعه

عسى يا أحلـى هدايا الكون ما انت بمن حلال القوم
عســـــى يمّــــي يجيبــــك مـــن تركتك عنده وداعه

معاك أضيع يا عمري .. و أبـــي لو ساعةٍ من يوم
تضيّعها معي .. وأنسى وش اليـــوم و كم الساعه

عشـــيــــرك مــن يد الترك ليد الفرس ليدين الروم
هذا هو يعربـــيٍّ لا نـســى حلمــــــك و لا بـــاعـــه

تعال الكل ينشـــــد عنـــــك و طيــورالخيال تحوم
و أنا ما بين طيف و صوره و دفتـــر و سمّــــاعه

من أوّل ما أصبح استفرد بنكهــــة سرّك المـكتوم
و أهيم بكل شارع و أندهك و أخرج على الطـاعه

أطارد شمــســـــك اللـــــي لآخر الدنيا بدون غيوم
و الى منّي ذكرت عيونـــــك و مغنـــاي و شراعه

أجي جنب البحر و أحكي له أوّل ما عرفت العــوم
و فوق الشاطي أرسم وجهك اللي سافر شعاعـــه

والى جا الموج يمّي ضمّت يدي وجهك المرسوم
و طاحت نجمتيـــــنٍ مـــــرّت الخديـــــن مـرتاعه

و أعوّد للحدايق ما بقـــى مـــن زادي إلا اللــوم
أفتّش عن عبيرٍ كم و كم نسمــــه مـــن اتبــاعه

أداعب وردها و الفـــلّ و الريحـــان و اليشمــوم
و لا هو ملمـــس الورد الطبيعي يا أجمل أنواعه

و أنشّد عنك أناشيد و عصافير و شجـر و كروم
وكرسي باهتٍ لونه و سبع خيــــوط لمّاعــــــــه

و أشوفك في فساتين و ذهــــب و معـلّقٍ منظوم
و أخبّر بك سرايا كل سوق و غالــــي بضاعـــه

و أشيل أوراقك أمّ حروف و قلوبٍ تشيل سهوم
و أغنّي ما طرى و أطبع عليها الطاري طباعـه

وأعوّد للوساده في مسا ما لــــــه قمر و نجوم
أصحّي صورتك من نومهــــا و تفـــزّ فـــــزّاعه

أنام بحضنـــــها لين الصباح يقول (صحّ النوم)
و أفيق بوجهٍ أجمل من (صباح الخير) مطلاعه

قصيدة صح النوم Icon_cheers

ارججججججججججججججججوا الرد على الموضوع

ششششكرا